Nigel Farage, Bartania ki Reform Party ke leader per doodh ka shake phenka gya.

Bartania (Britain) ki Right-Wing Reform Party ka leader, Nigel Farage ko 4 July ke intakhabat main parliment ki aik nashist ke liye intakhabi mohim ke pehle poore din per doodh ke shake se do char ker diya.

Monday ko Mr. Nigel Farage ne yeh ailaan ker ke mohim ka sab se bara jhatka lagya ke Nigel Farage Reform ki sarbarahi keren gye aur election main hisa len gye, Yeh wazireazam Rishi Sunak ke liye aik bara jhatka hai, jin ki Conservative Party labor ko survey main buri tarah peechy chorti hai.

Mr. Nigel Farage 2016 ki kamyab Brexit mohim ki qiyadat kerne main madad dene ke liye mashoor hain. Aur in ki maqbuliyat ne Conservative Leaderon per dabao dala hai ke wo Emigration per sakhti keren.

Is ke kuch he der baad jab is ne South-East England ke ilaqe Clacton-on-sea ke set per apni mohim shuru ki, Jaise Nigel Farage aik pub se nikla to aik aurat ne doodh shake Nigel Farage ke muh per de mara. Jaise ke post per pic pe dikhaya gya.

Wo baghair kisi noqsan ke dikhai diya jab usy security ki taraf se le jaya gya aur baad main Mcdonald’s ka cup pakre huye X per post ki gayi aik video main muskurate huye aur mazaq urate huye kaha : mera doodh shake tamam logo ko rally main le ata hai.

Khatoon ki shanakht OnlyFans Model Victoria Thomas-Bowen ke naam se hui hai jo ke labor party ke hami hai. Sky News ke mutabiq, us ne nama nigaron ko batya ke us ne doodh ke shake is liye phenki qun ke usy abhi yehi mehsoos hua hai.