Indian wazir e kharja ka helicopter hadsey ka shikar.

Indian WazireAzam Narindar Modi ke dost BJP ke Sabiq Sadar aur Mojouda Wazir e Kharja Amit Shah jalsy se rowangi ke waqt helicopter hadsey main bal bal bach gaye.

Indian media ke mutabiq Indian Wazire kharja riyasat e bahar main intakhabi mohim main masroof thy ke aik moqah per un ka helicopter Pilot ke qabu se bahir ho gya aur thori unchai per ja ker dayen janib jhulty huye dobara zameen se takra gya.

Tahum Pilot ne helicopter per control hasil ker liya aur kamiyabi se khatarnak suratehal se bahir nikal liya, is hadsey main Amit Shah aur in ke deegar sathi mehfooz rahy tahum helicopter ko mamoli nuqsan poncha.

Wazih rahy ke bharti Wazire kharja Amit Shah 5 saal qabal bhi apny helicopter se utarty huye paon phisalne k bahis gir gaye thy.

Yaad rahe ke bharat main aam intakhabat ke 7 marhalo main se 2 marhaly mukamal ho chuky hain jab ke tamam marahil 1st June tak mukamal ho jain gye, 4th June ko nitaij ka ailan kiya jaye ga. Imkaan zahir kiya ja rha hai ke is bar bhi BJP intakhabat main kamiyabi hasil ker lay ge.