Hyderabad Deccan: Chicken Biryani se hui aik shakhs ki moat!

Hyderabad Deccan: Bharti riyasat Hyderabad deccan chicken biryani khane se 39 saala shakhs halak ho gya.

Ghair mulki khabar rasaan edaray ke mutabiq yeh ajeeb o ghareeb waqya bharti riyasat Hyderabad Deccan main paish aya jahan Anaram gaon se taaluq rakhne waly Srikant apni behn se milne shehr poncha tha. Srikant ne behn se milne ke baad galiyon main ghumne laga to us ki nazar aik sharab khane pe peri. Us ne khoob sharab noshi kerni ke baad bhook khatam kerne ke liye biryani ki dokan ki taraf gya.

Srikant chicken biryani khane dokan per ponch gaya aur biryani khate he us ki moat waqya ho gai. Marne wale shakhs chicken biryani se lutf andoz ho rha tha k achanak chicken ka tukra us ki sans ki nali main phans gaya. Us ko sans lene main shadeed dushwari ka samna kerna pera, wo intahai takleef main dokan se nikal ker idher udher dorta raha lekin chicken ka tukra na nigal saka. Chand lamho baad wo beech sarak per gir gya. Jis ke baad logo ne police ko italah di.

Rescue ehkam ke motabiq hospital muntaqil kerne se qabal he srikant ki moat waqya ho chuki thi. Jab usy hospital le jaya gaya to doctoron ne srikant ko murda qarar diya.

z