Bahawalnagar main Pakistani fouj aur Punjab police ke darmiyan larai, in ke darmiyan larai ki asal wajah kya hai?

Social media per videos viral hai. Jis main pakistani fouj ki gariyo ko bahawalnagar k thane ke bahir aur police ahlekaro aur constablon per tashadud kerty dekha ja sakta hai.

Mubeena larai ka aghaz thana midrasa ke SHO Rizwan Aabas ki janib se aik fouji  ahlekar Muhammad khalil k ghar per chahpe se hua: mouqami sahfi.

Pakistan k souba Punjab ke tehsil Bahawalnagar main pakistani fouj ke ahlekaro aur moqami police ke darmiyan mubina larai ka moamla social media per mozu e behs bana hua hai. Dono ne haqaiq janene k liye tehqeeqat shoru ker di hen.

Police ki janib se waqiye mn molawis police ahlekaro aur aik fouji ahllekar ke ahlekhana ke khilaf alag alag muqadmat bhi darj ker diye

Bahawalnagar k moqami sahafi tariq hafiz ke motabiq is tanazah ka aaghaz 8 April ko thana midrasa k SHO Rizwan Aabas ki janib se aik fouji ahlekar Muhammad Khalil k ghar per chahpe  aur ahlekhana ko zadokhob kerne se shuru kiya.

Vice of America se guftugu kerty huye Tariq Hafiz ne dawa kiya k yeh chahpa Muhammad Khalil ke mukhalifin ema per dhilawaya gya hai jis per ahle ilaqa ki janib se bhi muzahmat ki gai.

Un ke baqol police ahlekaro per yeh ilzam bhi hai ke unho ne chahpe k duran fouji ahlekar k ghar se qeemti ashiya aur rupeey bhi utha le hai jis per ahle ilaqa aur ghar k mardo ne police ahlekaro se aslah cheen liya

un ka kehna hai k us k baad police ki janib se fouji ahlekar aur is ke ahl e khana per car e sarkar main mudakhlat ka muqadma darj ker liya gya.

Mouqadme k motabiq police mamool k gast per thi k unhe kuch mashkook ifrad nazar aye jin ka peecha kerty huye unho ne Muhammad Khalil ke ghar panah li. Police ne Muhammad Khalil k ghar chahpa mara  aur mashkook shaks se aslah baramad kiya. Magar mubeena mashkook shakhs asleh ka koi licence paish na ker saka. Isi duran Muhammad Khalil k ghar walo ne police ahlekaro ko yarghamal bana liya.

Daraj kiye gaye  muqadme main kaha gya hai k mouqa per mojud police ASI Muhammad Naeem ne thana midrasa ke SHO Rizwa Aabas ko itlah di, jis per Rizwan Aabas ne ASI Muhammad Naeem aur deegar ahlekaro k hamra chak sarkari main Muhammad Anwar Jutt k ghar Rafaqat ki giraftari k liye reid kiya. Is per ahle khana ne muzehmat ki aur police ahlekaro ko deegar ahle mohalla ki madad se SHO aur police ahlekaro ko kamre main band ker k yerghamal bana liya aur SHO Rizwan Aabas ki videos bhi banai.